Mexhiti: BDI-së i duhet reformë e thellë, nga xhaxhi e teposhtë
Zëvendëskryeministri i parë dhe kandidat i Vlen për kryetar të komunës së Çairit, Izet Mexhiti në një intervistë ekskluzive për gazetën Lajm, ka përsëritur kritikat e tij të ashpra ndaj BDI-së, duke theksuar se partia në opozitë ka nevojë për një reformë të plotë dhe të thellë. Ai u shpreh se ndryshimi duhet të nisë nga vetë kreu i partisë, Ali Ahmeti, e deri te strukturat më të ulëta.
“Duke menduar se e gënjenë elektoratin, i gënjen ndërkombëtarët, në fund do të del se e gënjenë vetveten dhe do të duhet nëse jo sot, pas këtyre zgjedhjeve të ballafaqohet me realitetin, me një reformë të thellë duke filluar nga xhaxhi e teposhtë”, deklaroi Mexhiti.
