Mexhiti: 8 Shtatori është simbol i bashkëjetesës dhe rrugës drejt së ardhmes europiane
Me rastin e 8 Shtatorit – Ditës së Pavarësisë së Republikës së Maqedonisë së Veriut, zëvendëskryeministri i parë, Izet Mexhiti, ka uruar të gjithë qytetarët, duke theksuar rëndësinë historike të kësaj date dhe domosdoshmërinë për të mbrojtur dhe zhvilluar më tej vlerat e një shteti demokratik, të drejtë dhe gjithëpërfshirës.
“Urime 8 Shtatori, Dita e Pavarësisë!
8 Shtatori është dita kur qytetarët zgjodhën të largohen nga Jugosllavia dhe të ndërtojnë një shtet të pavarur.
Sot ky shtet është i përbashkët, multietnik, anëtar i NATO-s dhe kandidat për anëtarësim në BE.
Le ta respektojmë këtë rrugë, të bashkëjetesës dhe të së ardhmes evropiane.
Sot të kujtojmë obligimet që qëndrojnë para nesh, të ndërtojmë një sistem të drejtë, të mundësojmë jetë më të mirë, të ndërtojmë shkolla dhe kopshte, të kemi shëndetësi të mirë.
Qytetarët tanë të jetojnë këtu, të kthehen, e jo të largohen”, thuhet në urimin e Mexhitit.
