Një trembëdhjetë vjeçari në një shkollë fillore në Butel dje i janë shkaktuar lëndime me shkop nga mësimdhënësi i tij.
Siç kumtoi MPB, rastin dje në orën 16:00 në Sektorin e Punëve të Brendshme Shkup e ka paraqitur babai i tij D.B. (45) i cili kishte deklaruar se të njëjtën ditë rreth orës 12,30 minuta në shkollën fillore në lagjen e Butelit, gjatë kohës së mësimit djalit të tij 13 vjeçar nga ana e arsimtarit të tij me përdorimin e shkopit të drurit i është shkaktuar lëndim trupor në duar dhe qafë.
“Menjëherë pas denoncimit të rastit në vendin e ngjarjes kanë dalë nëpunësit policorë nga Stacioni policor i Çairit”, bëjnë të ditur nga MPB. Për rastin ishte njoftuar Prokurori Publik dhe po punohet në zbardhjen e plotë të rastit.
