Mendi Qyra, kandidati i pavarur, kryetari ideal i ardhshëm i Strugës
Struga është më shumë se një qytet, është një zemër që rreh në brigjet e Drinit dhe të Ohrit, një vend ku kultura, historia dhe natyra ndërthuren në një harmoni të rrallë. Por Struga ka nevojë për më shumë sesa bukuri natyrore, ka nevojë për drejtim, vizion dhe ndershmëri. Ka nevojë për një zë të pavarur, një lider që nuk i nënshtrohet interesave partiake, por që punon vetëm për qytetarët. Ky zë është Mendi Qyra.
Mendi Qyra nuk vjen me premtime të zbukuruara apo me fjalë të mëdha, ai vjen me vepra, me përkushtim dhe me një jetë të ndërtuar mbi ndershmëri, profesionalizëm dhe dashuri për vendin. I pavarur nga partitë, por i lidhur fort me interesin e Strugës, ai përfaqëson një frymë të re, të nevojshme, që thyen korrupsionin, ndërpret interesat e ngushta dhe i kthen qytetin në duart e qytetarëve.
Si kandidat i pavarur, Mendi Qyra është simbol i ndryshimit që vjen nga vetë populli. Ai nuk flet për të sunduar, por për të shërbyer. Nuk premton për të marrë vota, por për të fituar besimin. Vizioni i tij për Strugën është i qartë: një qytet i pastër, funksional, i zhvilluar dhe i barabartë për të gjithë – pa dallim etnie, partie apo shtrese shoqërore.
Ai beson në një administratë transparente, në zhvillimin e turizmit të qëndrueshëm, në përmirësimin e infrastrukturës, në fuqizimin e rinisë dhe të bizneseve vendore, dhe në ruajtjen e trashëgimisë së pasur kulturore të Strugës. Por mbi të gjitha, ai beson te njerëzit, së bashkë mund të ndërtojmë një Strugë më të mirë.
Zgjedhjet nuk janë vetëm për të votuar një emër por janë për të zgjedhur drejtimin që duam. Mendi Qyra është drejtimi që lind nga populli dhe punon për popullin. Ai është dëshmia se idealizmi dhe ndershmëria mund të bëhen realitet politik.
