Media serbe vazhdojnë të këmbëngulin se Kosovës dhe Serbisë në Uashington i është kërkuar ‘njohja reciproke’.
Në një artikull të B92, “Cka thotë pika 10”, thuhet se ky medium ka pasur qasje në dokumentin që i është ofruar palëve dhe aty shkruhet se “të dyja palët duhet të zotohen për njohjen reciproke dhe mbrojtjen e minoriteteve”.
“Kjo letër ka qenë në tavolinë, në vendin ku është ulur Vuciq’, shkruan ky medium serb.
“Të dyja palët duhet të përkushtohen për njohje reciproke dhe për mbrojtjen e minoriteteve etnike, të pajtohen të hapin nga një zyrë për mbrojtjen e minotirteteve dhe të raportojnë për cdo vit për këtë cështje”, thuhet në pikën 10 të këtij dokumenti, shkruan B92.
