Mayweatheri pranon sfidën e Khabibit

Floyd Mayweather duket se e ka pranuar sfidën e propozuar nga kampioni i peshave të lehta në UFC, Khabib Nurmagomedov.

Khabibi i kërkoi ditë më parë përmes një videoje duel boksierit të pensionuar pa asnjë humbje duke iu drejtuar me një video se “në xhungël është vetëm një mbret”.

Boksieri tani i është përgjigjur duke i thënë “Ta bëjmë Las Vegasin sërish madhështor” dhe duke thirrur rrjetet televizione të bëjnë gati paratë.

Kthimi i vëmendjes kah Las Vegasi vjen pasi rusi Khabib dhe Conor McGregor u përballën edhe pas meçit në UFC 229.