Masa e paqëndrueshme dhe me lagështi e ajrit që gjendet përgjatë lumit Lepenc pritet të shkaktojë rritje të shpejtë të prurjeve të ujit.
Kështu thonë nga Enti Hidro-Meteorologjik (EHM), duke kërkuar nga qytetarët që të jenë të vëmendshëm gjatë lëvizjes përgjatë këtij lumi, pasi që ka mundësi që Lepenci të del nga shtrati i tij.
Sipas tyre, prurjet e lumenjve nëpër tërë Maqedoninë janë mbi mesataren, që është karakteristikë e kësaj periudhe të vitit, edhe pse moti mund të ndikojë që prurjet e lumenjve të shtohen shpejtë.
Prurjet e lumenjve mund të shtohen shpejtë në lumenjtë e Kumanovës, Likovës, Konjarkës, Sllupçanit, Pçinja, lumi Kriva, lumi i Zi, si edhe lumenjtë më të vegjël që bashkangjiten me shtratin e Vardarit.
