Mishi i importuar në dy vitet e fundit nga Brazili dhe Kanada për të cilin, ashtu siç publikuan disa media, nuk është paguar doganë, është i shëndetshëm dhe i sigurt për përdorim, konfirmoi drejtori i Agjencisë për Ushqim dhe Veterinari, Zoran Atanasov.
Bëhet fjalë për 1.200 tonë mish të ngrirë nga viçi dhe derri, të cilën e ka importuar ndërmarrja “International fud bazar”.
“Importimi është realizuar në dy vitet e fundit. Dërgesa me mish janë kontrolluar në kalimet kufitare. Dokumentet, vërtetimet mjekësore dhe analizat kanë treguar se mishi është në rregull dhe i sigurt për përdorim. Bëhet fjalë vetëm për keqpërdorim financiar ndaj doganës”. Tha Atanasov, duke u përgjigjur në pyetje gazetareske pas hapjes së konferencës “Një shëndet”.
