Llatasi shpallet i pafajshëm!

Jo që nuk iu konfiskuan shtëpitë, por edhe harxhimet gjyqësore do të jenë në buxhet të shtetit, konkretisht në kurriz të qytetarëve. Dragan Pavloviq-Latas dhe dy vëllezërit e tij, të akuzuar nga Prokuroria Speciale për ndërtim pa leje të tri shtëpive në Komunën e Zelenikovës, është shpallur i pafajshëm, ndërsa harxhimet e gjyqësorit do të mbulohen nga buxheti i shtetit, shkruan gazeta KOHA. Gjykata Penale e Shkupit sapo ka sjellë vendim për lirimin nga aktakuza të Llatasit dhe dy vëllezërve të tij, të cilët në Zelenikovë, pa leje nga institucionet përkatëse, kishin ndërtuar tri shtëpi trekatëshe. Ndryshe, dje, Prokuroria Speciale kishte kërkuar që, përveç dënimit me burg, t’i konfiskohet Llatasit dhe vëllezërve të tij shtëpitë në Zelenikovë. (koha.mk)