Ligji për Amnisti, mbi 600 të burgosur do të përfitojnë nga ky ligj

Propozim-ligji për amnisti do të dërgohet në procedurë të rregullt, ndërsa afati për amnistim do të zbatohet për krimet e kryera deri më 20 shtator të këtij viti. Propozim –teksti mbrëmë kaloi në mbledhjen e qeverisë.
Zëdhënësi i qeverisë, Mile Boshnjakovski, sot sqaroi se data është përcaktuar pas debatit publik dhe mendimeve te ekspertëve, përcjell Almakos.“Asnjë amnisti nuk parashikohet për personat të cilët janë dënuar me burgim të përjetshëm dhe as për kryerësit e veprës penale “ Vrasje” sipas nenit 123. Asnjë amnisti nuk parashihet për veprat penale që lidhen me zgjedhjet dhe votimin, për krime kundër lirisë seksuale dhe moralit seksual, për krime kundër shtetit, për krime kundër rendit publik, si dhe për krime kundër njerëzimit dhe ligjit ndërkombëtar”- tha Bosnjakovski.
Statistikat tregojnë se në bazë të këtij ligji do të lirohen pothuajse 670 persona të dënuar me burg prej 6 muajsh dhe 3097 personave do t’u ulet dënimi për 30 për qind.