Të nderuar përfaqësues të mediave, i nderuari opinion
Kemi thirrur këtë press konferencë për të alarmuar përgjendjen e sistemit gjyqësor i cili vazhdon edhe me tutje të jetë në shërbim të pushtetit.
Me këtë rast duam të përkujtojmë se pushteti aktual, fitoj besimin e qytetarëve pikërisht duke treguar se gjyqësori ështe skajshmërisht i politizuar.
Pas marrjes së datës të kushtëzuar për fillim të negociatave për anëtarësim në BE, një nga shtyllat më problematike përmendet pikërisht sistemi gjyqësor, pa reformimin e të cilit anëtarësimi në BE do mbetej vetëm një endërr.
Në këtë drejtim duam të përmendim disa raste të cilat janë dëshmi eklatante se kemi gjykata jo efikase, të kontrolluara nga pushteti dhe në shërbim të partive në pushtet.
Rasti i njohur si “Alfa” ku persona të pafajshëm mbajnë denim me burg, apo rasti i “Almirit” ku u bë rikualifikim i lëndës.
Poashtu edhe në rastin e rahjes brutale të deputetëve më 27 Prill të vitit të kaluar ku nga aktakuza për tentim vrasje të një deputeti shqiptar nga disa persona u rikualifikua si pjesëmarrje në turmë .
Të gjithë këtyre rasteve të dyshimta të këtij gjyqësori të kapur i shtohet edhe presedanin juridik që po ndodh më rastin e Lëvizjes Besa ku nga një lëndë e pastër juridike me pjesmarrjen në pushtet të njerës pale gjykata ndryshon rrënjësisht qasjen në këtë proces duke e futur në labirinthet juridike për të zvaritur epilogun me të vetmen arsye që ta stërzgjatë këtë proces duke na dëmtuar neve si parti opozitare.
E gjithë kjo ka për qëllim të na pamundësohet artikulimi i zërit opozitar në skenën politike duke dashur të na fokusojë të gjithë energjinë për të zhvilluar një beteje juridike, gjë që po ndodh për herë të parë në 28 vitet që nga pavarsia e Maqedonisë.
A është ky shteti që duam? A është ky shteti i së drejtës dhe a është kjo për të cilën me muaj të tërë dolëm rrugëve për të protestuar pikërisht për padrejtësitë që i instaloi pushteti i kaluar dhe që fatkeqësisht me perfeksion i vazhdon pushteti aktual?
Apelojmë deri te pushteti aktual që të heq dorë nga ndikimet politike dhe të punojë në reformimin e mirëfillte të gjykatave dhe sundimi i së drejtës të jetë shtylla kryesore që do integrojë Maqedoninë në BE.
Deri sa kemi pushtet i cili drejtësinë e merr në duart e veta dhe shtyp opozitën shqiptare integrimi në BE do jetë vetëm një iluzion.
Rikujtojmë se ndryshimi i emrit të shtetit ka qene vetëm kusht politik për Maqedoninë ndërsa reformat dhe vetëm reformat në gjyqësi janë çelësi i cili mund të futë Maqedoninë në familjen e vlerave evropiane.
Lëvizja BESA 29.06.2018
Zyra për informim/Kabineti i Kryetarit Bilall Kasami
