Mungon një votë për të kaluar Marrëveshja e Prespës në Parlamentin e Maqedonisë. Nga burime mirë të informuara, gazeta KOHA mëson se një deputet i cili më herët kishte dhënë pëlqimin për votën e tij, nga shkaqe ende të panjohura, është tërhequr në momentin e fundit nga ky premtim i dhënë. Sipas të njëjtave burime, ai mund të jetë një prej deputetëve të Partisë Socialiste, që është në koalicion më VMRO-DPMNE-në.
Në seancën e sotme ka munguar edhe deputeti Krsto Mukovski, i cili sot u lirua nga paraburgimi për ngjarjet e 27 prillit. Sipas informatave, ai as që është nisur nga vendlindja e tij në Vevçani për në sallën e Parlamentit të Maqedonisë.
Sipas të gjitha gjasave, kjo situatë e re mund të ndikojë që votimi të shtyhet për një ditë tjetër.
