Kryeministri i Kosovës Albin Kurti nuk ka dhënë sinjale se do t’i rishqyrtoj masat anti-Covid edhe përkundër kërkesave që i kanë bërë vendet fqinje pas vendimit që për të hyrë në territorin e Kosovës qytetarët duhet të kenë tri doza të vaksinës anti-Covid apo 2 doza të vaksinës bashkë me testin PCR negativ.
Në mbledhjen e qeverisë ai foli gjatë për pandeminë. Qeveria po ashtu e miratoi edhe projektligjin për marrëveshjen e nënshkruar në mbledhjen e përbashkët të Qeverisë së Kosovës dhe Qeverisë së Shqipërisë lidhur me çështjen e stazhit të punës dhe pensioneve.
Kosova dhe Shqipëria në mbledhjen e përbashkët të dy qeverive në nëntor të vitit të kaluar kanë nënshkruar një sërë marrëveshjesh bashkëpunimi ndërmjet të dyja vendeve.
