Kurti: Do t’i heqim të gjitha notat e klasave të ulëta në shkollat fillore

February 20, 2021

12

Kryetari i Lëvizjes Vetëvendosje, Albin Kurti, ka treguar planprogramin për arsim, ai ka thënë se planifikojnë t’i eliminojnë notat për klasët fillore të ulëta.

Kurti, këtë e bëri të ditur gjatë një bashkëbisedimi virtual me Fernando M. Reimers, profesor në Universitetin e Harvardit, transmeton Klan Kosova.

“Diskutuam gjatë mbi sfidat e arsimit dhe politikat që i planifikojmë për mandatin e ardhshëm, duke filluar nga shujtat falas për të gjithë fëmijët, eliminimi i notave për klasët fillore të ulëta, kurrikulat e reja dhe edukimi dual që ndërlidh aftësimin profesional me tregun e punës”, ka shkruar Kurti në rrjetin social Facebook.

T mobile In article [4] Laor
Ai ka theksuar se planifikojnë që t’i shtyjnë studentët më të mirë të nivelit master të angazhohen në mësimdhënie.

“E dimë se shumica e klasëve në shkolla janë të mbingarkuara, dhe një reformë që propozoi profesori Reimers e që ka funksionuar për shtetet e ngjashme është angazhimi i asistentëve për mësimdhënësit e të gjitha niveleve. Lëvizja Vetëvendosje planifikon të nxit studentët më të mirë të nivelit Master të angazhohen në mësimdhënie, dhe të ofrojë përgatitje profesionale të vazhdueshme në nivel kombëtar për të gjithë”, tha ai.