Kryetari i Komunës së Kërçovës Fatmir Dehari me bashkëpuntorët në vizitë familjeve të përmbytura!
Kryetari i Komunës së Kërçovës Fatmir Dehari dhe Drejtori i Qendrës për Punë dhe Politikë Sociale Dashmir Limani, në bashkëpinim me Kryqin e kuq të udhëhequr nga Sekretari Besnik Selimi dhe Komandanti i Shtabit të krizave pranë Komunës së Kërçovës Ramiz Rexhepi, strehuan 30 familje rome shtëpitë e të cilëve u përmbytën nga rreshjet e fundit të shiut. Për personat në nevojë është siguruar ushqimi, mjetet higjienike, përkujdesja mjekësore dhe gjithçka që nevojitet. Gjithsej objekte të dëmtuara janë 122 të cilat sot janë evidentuar, ndërsa gjatë ditëve në vijim do të bëhet vlerësimi i dëmit.
Ekipet komunale të NP ” Komunalec ” me mjetet e nevojshme teknike janë në terren dhe vazhdimisht merren me pastrimin e shtratit të lumit për të normalizuar situatën e shkaktuar nga fatkeqësitë natyrore.
