Takime të fshehta brenda strukturës drejtuese të BDI-së së Strugës vërehen nëpër qytet,ku fokusi i këtyre takimeve është zgjedhja e kryetarit të ri të degës së BDI-së,mëson Struga Ekspres.
Siç mëson Struga Ekspres nga anëtarë të degës së BDI-së,kryetari i ri i BDI-së do të zgjidhet me “AMININ” e Ali Ahmetit dbe njerëzve të afërt të tij.
Siç duket Ali Ahmeti bashkë me Ramis Merkon mundohen të përafrojnë edhe pjesën “rebeluese” dhe zgjedhja e re postit drejtues të BDI-së të kaloj si proces në paqe dhe se kryetari i ri do të ishte bashkimi i disa rrymave.
Akoma nuk ka ndonjë emër që lakohet brenda BDI-së së Strugës, por Ali Ahmeti në fund do të jetë lideri i cili do të nxjerrë emrin e ri të kryetarit të BDI-së për të mos u përsëritur një rast i dytë ku para 4 vitesh pati përplasje fizike në mes anëtarëve dhe kuvendarëve të BDI-së. (Struga Ekspres)
