Policia e Gostivarit e shoqëruar nga pjestarë të Njesisë së zjarrfikësve të Gostivarit dhe Ndihmës së Shpejtë kanë gjetur pa shenja jetë një vajzë e cila kishte rënë në lumin Vardar rreth orës 19.
Në kërkimin e saj kanë ndihmuar edhe ekipi nga NJTKZ TETOVË, por fatkeqësisht ajo u gjet pa shenja jete, njofton Tetova Sot, transmeton Struga Ekspres.
Mësohet se vajza e re që kishte rënë në lumin Vardar është Xhejha Mexhiti e lindur në vitin 2001 në Zdunje të Gostivar.
Policia ka konfirmuar se rreth orës 19 e 15 minuta disa qytarë kanë raportuar se vajza e re që po largohej nga një grup qensh pranë Spitalit ka rënë në lumin Vardar, dhe që pas katër orësh kërkim ajo u gjet e vdekur në ujërat e lumit Vardar./TS
