Banka Qendrore e Zvicrës, ka prezantuar sot versionin e ridizajnuar të bankënotës 1,000 frangëshe.
Bankënota e re është “më e vogël dhe më e lehtë” për dallim nga dizajni i kaluar dhe ka “masë të mjaftueshme të mbrojtjes” kundër falsifikimit, thuhet në komunikatën e Bankës Popullore të Zvicrës.
Bankënota ka ngjyrë vjollce dhe të verdhë, në njërën anë shihet shtrëngimi i duarve e në tjetrën parlamenti zviceran dhe pritet të futet në përdorim nga 13 marsi.
Siç raporton AP, bankënota në këtë vend ka traditë, megjithatë prodhimi i saj është në kundërshtim me politikat e Bankës Qendrore të Evropës, që ka vendosur të ndal prodhimin e bankënotave të 500 eurove, me qëllim që të luftohet shpëlarja e parave dhe krimi i organizuar.
