Spekulimet po rriten se Lubço Georgievski do të kthehet në VMRO-DPMNE dhe do të jetë aduti kryesor i partisë për zgjedhjet e jashtëzakonshme, që lideri aktual Hristijan Mickoski mund të kërkojë në qershor.
“Nëse kjo qeveri nuk zgjidh mosmarrëveshjen me Greqinë, është e sigurtë se VMRO-DPMNE do të kërkojë zgjedhje të jashtëzakonshme parlamentare në qershor”, pretendon për Plusfino një burim i mirëinformuar.
Lideri Mickovski, në televizionin “Kanal 5”, konfirmoi se VMRO-DPMNE dëshiron të shohë ish kreun Lupço Georgievski në radhët e saja.
“Qëllimi im i vetëm është që të animoj sa më shumë njerëz dhe grupe për të mposhtur këtë politikë destruktive të Zaev. Absolutisht nuk bëhet fjalë për ndonjë koncesion apo premtim. Të gjithë këtë e bëjë për ta bërë Maqedoninë një vend më të mirë për të jetuar. Qëllimi ynë është fitore në zgjedhjet e ardhshme dhe 61 deputetë. Nuk kemi parë me Lubçon që nga Viti i Ri, por kam në plan të bëj një takim, të vazhdojmë komunikimin tonë dhe pse jo, nëse kemi qëllim të përbashkët, të bashkohet me ne”, tha Mickoski./TetovaSot
