Kërçovarët sot pasdite protestuan me automjete në rrugën Shkup – Ohër
Një grup banorësh të Kërçovës protestuan këtë pasdite, duke lëvizur në një kolonë në magjistralen Shkup-Ohër në pjesën që kalon përmes Kërçovës,nga fshati Drugovë deri në kryqëzimin drejt KXE “Osllomesë” me disa dhjetra automjete.
Gjatë protestës, trafiku në këtë pjesë, rreth tre kilometra i gjatë, ishte i ngadaltë dhe policia rregulloi kalimin e automjeteve të tjera.
U tha që qëllimi i protestës është nxjerrja në pah e kërkesave tashmë të njohura: Të tërhiqet vendimi për rritjen e çmimit të energjisë elektrike, të ulet çmimi në 20 përqind, të shfuqizohet monopoli i shërbimeve të EVN, të shpërndahet Komisioni Rregullator i Energjisë dhe për të krijuar një komision të pavarur arbitrazhi në shërbim të qytetarëve që do të kontrollojë cilësinë e shërbimeve në fushën e energjisë. Ata gjithashtu kërkuan një ulje të TVSH-së në energji elektrike dhe heqjen e ashtesës për energji elektrike me 33 përqind.
Protesta kaloi pa incidente dhe zgjati rreth gjysmë ore.
