*Me shumë mundësi keni hipur në makinë, e keni ndezur dhe motori nuk ka reaguar. Bateria është bosh. Arsyeja? Një llambë, radio ose diçka tjetër e lënë ndezur që vazhdonte të konsumonte energji elektrike. Pasi të arrini ta ndizni automjetin tuaj me anë të mekanizmit të elektrizimit dhe t’i jepni baterisë një jetë të re, lind pyetja logjike: sa kohë duhet të ngasni për ta karikuar baterinë mjaftueshëm për ta ndezur përsëri?
Sipas klubit gjerman të automobilave ADAK, përgjigjja varet nga disa faktorë, siç janë mosha e baterisë, performanca e saj dhe temperatura e jashtme. Kjo është arsyeja pse nuk mund të jepet një shifër e saktë në kilometra ose minuta.
Megjithatë, ekziston një rekomandim i përgjithshëm: ngasni për të paktën 30 minuta, dhe në kushte më të këqija të motit deri në një orë. Mos e fikni motorin gjatë asaj periudhe. Mjafton të ngasësh me një ritëm normal, pa rritur panevojshëm numrin e rrotullimeve. Motori do të kryejë punën e tij pa presion shtesë.
Me këtë praktikë, bateria do të fitojë energji të mjaftueshme për t’u rinisur dhe do t’ju kursejë mundimin dhe kostot e mundshme të një baterie të re.
