MISTERI I AVIONIT TE ”MALAYSIAN AIRLINES” ESHTE ZBARDHUR SIPAS DISA EKSPERTEVE TE KATASTROFAVE AJRORE
Zhdukja e avionit të Malaysian Airlines, MH370, vazhdon të ngjallë kuriozitet.
Disa ekspertë të katastrofave ajrore thonë se kanë analizuar të dhënat satelitorë dhe kanë arritur në përfundimin se dikush në kabinë e ka fluturuar avionin qëllimisht drejt Antarktidës.
Avioni ka fluturuar edhe për disa orë pasi humbi kontaktin me kullën e kontrollit.
Sipas Malcolm Brenner, një ekspert i njohur në botë për katastrofat ajrore, të dhënat sugjerojnë se dikush në kabinë e ka drejtuar qëllimisht avionin jashtë kursit.
Këto pretendime janë pjesë e një dokumentari të National Geographic, që do transmetohet muajin që vjen.
Avioni u zhduk më 8 mars 2014, duke fluturuar nga Kuala Lumpuri i Malajzisë për në Pekin të Kinës.
Një koordinator i kërkimeve për avionin është i bindur se në maj do të gjendet avioni.
