Njëri nga liderët e koalicionit VLEN, Izet Mexhiti, gjatë hapjes së shtabit zgjedhor në Saraj, deklaroi se shqiptarët sot janë më të lirë dhe nuk jetojnë nën frikë apo shantazh nga pushteti.
“Shqiptarët nuk kanë qeverisje që i kërcënon, që i shantazhon. Ka ardhur një ndryshim te shqiptarët, të paktën e kemi sjellë konkurrencën,” tha Mexhiti.
Ai theksoi mbështetjen për kandidatin Muhamed Elmazi, duke e cilësuar si përfaqësues të denjë për Sarajin:
“Muhamedi është djali juaj, i cili ka shërbyer në komunën e Sarajit, në qytetin e Shkupit, e njeh mirë komunën dhe mund të bëjë më të mirën për Sarajin.”
Mexhiti përmendi edhe Bashkim Bakiun, duke theksuar se bashkë me Elmazin janë “djem të zot që mund t’i dalin zot Sarajit dhe programit të VLEN-it”.
