Pas lajmeve në disa media maqedone se Besa, ASH dhe Alternativa po punojnë për një front opozitar, në një prononcim për mediat maqedonase, zëvëndeskryetari i Besës, Arjanit Hoxha ka hedhur poshtë këto informacione.
“S’ka logjik të flitet për bashkëpunim opozitar me Alternativen qeveritare. Nuk janë të vërteta informatat se kemi komunikim për ndonjë koalicion të mundshëm me parti që janë pjesë e qeverisë. Ndërsa me ASH kemi komunikim korrekt” ka deklaruar Hoxha. Ai gjithashtu ka komentuar edhe zërat se Besa nuk mund të formojë shumicën në këshillë në Tetovë, duke i quajtur si lajme të pa vërteta dhe se BDI është vet në panik që mos i ikin këshilltarët e vet. (INA)
