Jorida është një tjetër e shpëtuar nga tërmeti i 26 nëntorit.
35 vjeccarja, e ulur në karige me rrota u shpëtua nga daja i saj, pak pasi tërmeti shkundi vendin.
Ajo natë ishte tragjedi për familjen e saj, Greku, ku 3 pjesëtarë u shuan nën rrënojat etërmetit.
“Tërmetin e parë e ndjeva, por s’ia vura rëndësinë. Pastaj ra dhe tërmeti i dytë. U tremba por se vura veshin. Më pas i thirra dajës; ‘hajde më merr në krahë dhe më nxirr jashtë’.
Jashtë kam qëndruar me frikë, pasi kisha frikë mos më binte ndonjë çisternë. Dhe aty jashtë kur isha ra një tërmet i fortë.
Më kanë marrë në krah me gjithë karrocë policët. Shtetit i lutem të vërë dorën në zemër, të më ndihmoj pasi kam nevojë për një strehë”, tha Jorida.
