Grupi Vullnetar i Frëngovës, që bën punë të mrekullueshme për vendin e tyre

Nuk ka kënaqësi më të madhe ku bën gjëra të mira për fshatin ku ti je rritur dhe jeton, thonë nga grupi vullnetar i Frëngovës së Strugës, të cilët me punën dhe dëshirën e tyrë të madhe nuk i ndal as shiu dhe bora, kur bëhet fjalë që të bësh vepra të mira për fshatin e tyre, shkruan Struga Ekspres. Grupi Vullnetar i Frëngovës bashkë me djelmoshat e rinj përfunduan shumë punë me sukses kudo nëpër fshat, përpara shkollës fillore të Frëngovës, rregullimin e parkut, shtruarjen e pllakave si dhe rrethimin me mur mbrojtës te gjithë pjesës përpara. Grupi “Vullnetar” me ndihmen e fshatit do vazhdoj me realizimin e projekteve tjera për një Frëngovë më të bukur dhe me të pastër. Ata falenderojnë banorët që mbështesin ne realizimin e projekteve të tyre.Kujtojmë se Grupi Vullnetar, kujdeset për ujësjellësin e Frëngovës,rrethimin e rrugëve me mure mbrojtëse, pastrimin e rrugëve dhe shumë kontribute të tjera që frëngovarët kanë nevojë.(Struga Ekspres)