Kryetari i subjektit Aleanca për Shqiptarët, Zijadin Sela, ka thënë se Shqipëria sillet me shqiptarët në Maqedoninë e Veriut njëjtë si me pakicën turke në Bullgari.
Ai ka folur kështu të mërkurën në një intervistë dhënë emisionit “Debat” në RTK.
“Shqipëria nuk mund të sillet me shqiptarët në Maqedoni njësoj si mbronë interesin e një pakice tjetër në Turqi apo dikund tjetër. Sjellja e Shqipërisë deri me tash ka qenë sikur po mbronë interesin e pakicës turke në Bullgari”, është shprehur Sela.
“Kosova ka rrethana të tjera, ne e kuptojmë. Akoma janë problemet e brendshme dhe problemi i marrjes së ulëses në OKB. Por sërish angazhimi mund të jetë më i madh. Shqiptarët e Kosovës në përgjithësi e ndjekin situatën më shumë”, ka thënë ai.
