Është gjetur trupi i pajetë i djaloshit që u mbyt gjatë ditës së djeshme në ujërat e Lumit Vardar në afërsi të Pepelishtës së Negotinës.
“Mëngjesin e sotëm Ndihma e Shpejtë ka konstatuar vdekjen e djaloshit”, njoftoi Biljana Filipova nga Shtëpia e Shëndetit në Negotinë.
Ndryshe, gjatë ditës së djeshme në Stacionin Policorë të Negotinës 39-vjeçari Z.J. ka raportuar se disa të mitur kanë hyrë në ujërat e Lumit Vardar, por njëri nga ta nuk është parë duke dalë nga lumi. Trupi i pajetë i të ndjerit është gjetur në afërsi të vendit ku është mbytur.
