Shefi i shtabit të Besës, Arjanit Hoxha në një pres konferencë ka bërë thirrje që votuesit e Besës t’i japin përkrahje kandidatëve të ASH-së dhe kjo të ndodh anasjelltas.
“Prandaj, Lëvizja BESA duke respektuar parimet politike dhe nevojën për ndryshim në skenën politike sot përmes kësaj press konference shprehim gatishmërinë tonë por njëherit edhe bëjmë apel që në raundin e dytë të zgjedhjeve lokale, gjithë votuesit e Lëvizjes BESA të mbështesin kandidatët e Aleancës për Shqiptarët duke ndihmuar kështu në mposhtjen politike të BDI-së dhe PDSH-së. Poashtu, kërkojmë nga Aleanca për Shqiptarët që në formë reciproke të bëjë thirrje votuesve të vet që të mbështesin kandidatët e Lëvizjes BESA në komunat Tetovë dhe Zhelinë. Koha është për ndryshim. Skena politike në vitet e ardhëshme detyrimisht duhet të pësojë ndryshim prandaj edhe duam që ti prijmë dhe të bëjmë bashkë këtë ndryshim”, ka thënë Hoxha.
