Obduksioni i bërë nga viktimat nënë e birë që u gjetën të vdekur në një banesë në Veles më 06 janar, tregon për praninë e koronavirusit në trupin e gruas 89 vjeçare, tha sot ministri i Shëndetësisë, Venko Filipçe.
“Duke e marrë parasysh faktin se këtë vit kishim rritje të madhe të numrit të të sëmurëve nga gripi në krahasim me vitin e kaluar, ky rast nënkupton se virusi ka qenë prezent që në janar në Maqedoninë e Veriut”, deklaroi Filipçe.
Policia më 06 prill gjeti dy trupa të pajetë, nënë e birë, në një banesë në Veles. Fqinjët kishin alarmuar rastin sepse nuk i kishin parë për disa muaj të dilnin jashtë nënë e birë. Ata thonë se nëna 89-vjeçare ka qenë e verbër, ndërsa i biri 53 vjeçar ka pasur probleme psiqike.
