Fetai uron fillimin e vitit të ri shkollor: Arsimi është arma jonë më e fortë për zhvillim kombëtar
Sot, në ditën kur shkollat hapin dyert për fëmijët, zëvendëskryeministri Arben Fetai ka uruar nxënësit, mësimdhënësit dhe prindërit për një vit të mbarë e me shumë suksese.
“Arsimi është arma jonë më e fortë për t’u zhvilluar e fuqizuar si komb. Qeveria VLEN do të vazhdojë ta mbështesë arsimin shqip në çdo nivel dhe në çdo formë”, ka theksuar Fetai në urimin e tij.
Ai shtoi se të gjithë nxënësve, veçanërisht atyre që për herë të parë ulen në bankat shkollore, u dëshiron rrugëtim të mbarë në botën e dijes, ndërsa mësimdhënësve e prindërve u uroi durim dhe sukses në përpjekjet e tyre të përbashkëta për edukimin e brezit të ri.
