Shtyrja e seancës plenare për ndryshmet kushtetuese bëhet për shkak kushteve t’i cilat Lëvizja Besa me krzetar Bilall Kasami kërkon të plotësohen. Sipas infomatave të TV 21, Zaevit i mungon edhe një votë për 2/3 e shumicës.
Ngërçi më i madh paraqitet në çështjen e shtetësisë. Nga “Besa” thonë se termi “maqedonas” në shtetësi mund të përdoret për maqedonasit etnik, por jo edhe për shqiptarët ose të tjerët. Për këtë si zgjidhje shohin edhe atë që tek nënshtetësia të qëndrojë vetëm “Qytetarë të Republikës së Maqedonisë veriore”.
“Kërkesa e parë e lëvizjes Besa që në amendamentet e ligjit kushtetues për shqiptarët shtetësia të mos jetë “maqedonase”. Pra ne kërkojmë që për maqedonasit, të jetë ashtu siç e kanë në marrëveshje, por për shqiptarët ne nuk do të kishim pranua që shtetësia të jetë “maqedonase”, por do të kërkojmë të kemi një formulim konform karakterit të shtetit dhe realitetit, të drejtave në nivel të shtetësisë”, tha Bilall Kasami, kryetar i Lëvizjes “BESA”.
Përndryshe, kryeministri Zoran Zaev duke i prezantuar argumentet pse duhet të votohet për ndryshimet kushetuese, i falënderoi të gjithë që kanë dhënë kontribut dhe tha se me Lëvizjen Besa ende nuk janë marrë vesh por që pret marrëveshje.
