Aksident tragjik në Peqin: Humbin jetën dy të rinj 23-vjeçarë
Një aksident i rëndë me pasojë vdekjeje ka ndodhur pas mesnate në hyrje të qytetit të Peqinit, ku dy të rinj 23-vjeçarë kanë humbur jetën në mënyrë tragjike.
Sipas burimeve paraprake, automjeti me të cilin ata po udhëtonin ka dalë nga rruga dhe është përplasur me shkallët e një banese buzë rrugës. Përplasja e fortë ka rezultuar fatale, duke i lënë të dy të rinjtë të vdekur në vendngjarje.
Viktimat janë drejtuesi i mjetit, Gabriel Agron Lluca, 23 vjeç, banues në Peqin, dhe pasagjeri Denis Zeqir Korbi, 23 vjeç, gjithashtu banues në Peqin.
Policia dhe grupi hetimor ndodhen në vendngjarje dhe po punojnë për zbardhjen e plotë të shkaqeve të aksidentit, të cilat deri më tani mbeten të paqarta.
