Një masakër e madhe ka ndodhur përsëri sot në orët e para të mëngjesit në një stallë dhensh në fshatin Shum të Strugës ku qentë endacak kanë bërë kërdinë duke i mbytur dhe shqyer rreth 45 dele dhe 15 të tjera i kanë lënduar rëndë informon Struga Ekspres.
“Sot në orët e para të mëngjesit, qentë endacak kanë bërë kêrdinë të stallën e dhenve që posedoj unë, sot qentë kanë mbytur 45 dele dhe 15 të tjera janë lënduar rëndë.Kërkoj ndihmë nga institucionet e shtetit dhe komunën e Strugës që të kompenzojnë dëmin e madh që më është shkaktuar”, shprehet i shqetësuar për Struga Ekspres, Edmond Ismaili,pronar i kësaj stalle.
Zotëri Edmond Ismaili nga Shumi me mundin dhe sakrificën për mirëmbajten e dhenve, fatkeqësisht nuk arriti të shes dhentë për Festën e Kurban Bajramit ku edhe të fitoj ndonjë denarë për të siguruar egzistencën familjare.
Policia dhe organet e hetuesisë ishin sot në vendin e ngjarjes.
(Struga Ekspres)