Më 29 gusht 2025, në orën 22:45, një person 76-vjeçar nga Ohri ka raportuar në SPB Ohër veprën penale “kërcënim i sigurisë”, sipas nenit 144 paragrafi 3 të Kodit Penal të RMV-së, kundër djalit të tij 48-vjeçar.
Sipas kallëzimit, po atë ditë në shtëpinë familjare, i kallëzuari vazhdimisht i kishte kërkuar para babait të tij, me shumë gjasë për të blerë drogë, por meqë i ati nuk kishte për t’i dhënë, djali kishte filluar ta kërcënonte për jetën, e më pas kishte filluar të thyejë xhamat e automjetit të tij.
Pas masave të ndërmarra, zyrtarët policorë nga SPB Ohër e kanë privuar nga liria të kallëzuarin dhe pas zbardhjes së plotë të rastit, ndaj tij do të paraqitet kallëzim përkatës, informojnë nga SPB Ohër.
(Struga Ekspres)
