Kovid-19 nuk ka identitet kombëtar, nuk njeh kufij, nuk ka fe, sulmon të gjithë njerëzit, tha Ministri i Jashtëm i Maqedonisë, Nikolla Dimitrov në konferencën e sotme për shtyp,informon Struga Ekspres.
Dimitrov shtoi se përveç ndihmës për anëtarët e saj, BE do të bënte mirë të ndihmonte vendet e rajonit tonë.
“Ashtu siç ishte me krizën e emigrantëve, ashtu është edhe Covid-19. Virusi nuk ka identitet kombëtar, nuk njeh kufij, nuk ka fe, sulmon të gjithë njerëzit. Do të ishte mirë që Bashkimi Evropian ta konsideronte mundësinë, përveç shteteve të saj anëtare, të ofrojnë ndihmë në trajtimin e virusit për vendet e rajonit “, shtoi Dimitrov.(Struga Ekspres)
