Dhjetëra mijëra britanikë kanë marrë tashmë dozën e parë të vaksinës së Pfizer dhe BioNTech kundër Covid-19, njoftoi Ministri i Shëndetësisë në Britani, Matt Hancock.
“Deri më sot, kemi nisur vaksinimin në 73 spitale në të gjithë Mbretërinë e Bashkuar dhe dhjetëra mijëra njerëz janë vaksinuar,” tha Hancock në një konferencë shtypi.
90-vjeçare britanike, Margaret Keenan gjatë ditës së martë u bë gruaja e parë në botë që nisi imunizimin kundër Covid-19 me vaksinën e kompanisë Pfizer dhe BioNtec , jashta provave klinike.
Vaksinat Pfizer dhe BioNTech jepen në dy doza, kështu që personat që tashmë janë vaksinuar me dozën e parë, duhet të presin tre javë për dozën e dytë.
