Policia Financiare bashkë me Inspektoratin Shtetëror të Tregut dhe Drejtorinë e të Ardhurave Publike, zbatojnë kontrolle të shtuara dhe gjithëpërfshirëse për t’i parandaluar manipulimet gjatë furnizimit të ushqimit dhe derivateve. Aksioni vjen pasi ditët e fundit në pompat e benzinës kufizohej sasia e karburantit të cilin mundeshin ta mbushin qytetarët, kurse në marketet ishin tërhequr produkte të caktuara ushqimore, sepse priteshin çmime të reja më të larta.
“Sa i takon pjesës për të cilën është kompetente DAP-it, në marketet e mëdha janë dhënë urdhra që të kontrollohet puna e tyre gjatë 6 muajve të fundit për faturat hyrëse dhe dalëse dhe të shihet nëse kemi mosrespektim të vendimit të Qeverisë. Çdo institucion vepron në suaza të fushëveprimin e tij, në pjesën e super-marketeve të mëdha dhe qendrave të shpërndarjes. Po, janë konstatuar disa shkelje të dispozitave nga vendimi i Qeverisë, për çka janë shqiptuar edhe gjoba adekuate. Atje ku ka nevojë do ta vazhdojmë periudhën për kontroll“, tha Sanja Lukarevska, drejtoreshë e DAP.
