Janë publikuar pamjet e tmerrshme të avionit turk, i cili rrëshqiti në pistë dhe u nda në tri pjesë, mbrëmjen e kaluar. Bëhej fjalë për avionin e pasagjerëve të Pegasus Airlines, që fluturonte nga qyteti perëndimor i Izmir, i cili rrëshqiti nga pista, pasi zbarkoi në aeroportin Sabiha Gökçen të Stambollit të mërkurën pasdite.
Sipas medieve turke, Boeing 737-800 u nda në tri pjesë dhe u përfshi nga flakët, ndërsa “Daily Mail” ka publikuar pamjet dramatike që tregojnë momentin e ndarjes së avionit gjigant.
Zjarrfikësit dhe ambulancat u dërguan në vendin e ngjarjes menjëherë pas aksidentit.
Avioni mbante 171 pasagjerë dhe gjashtë anëtarë të ekuipazhit, sipas ministrit të Transportit, Cahit Turhan.
Ai tha se nuk kishte viktima, por disa pasagjerë u lënduan. Avioni, i cili shërben shumë nga qarqet aziatike të Stambollit dhe qytetet e afërta të qendrave industriale si Bursa, Kocaeli dhe Sakarya, është mbyllur përkohësisht për trafikun ajror.
