“Ne jemi bërë një popull që udhëheq shtetin. Ne nuk jemi më një popull që ka përfaqësues në disa dikastere margjinale, të cilat vetëm përfaqësojnë interesat. Jo, ne shqiptarët sot bashkëudhëheqim shtetin, madje udhëheqim duke pasur parasysh se kemi Kryeministrin dhe kemi institucionet më të rëndësishme shtetërore, dhe këtë nuk mund ta nënçmosh, si arritje të jashtëzakonshme të shqiptarëve”.
Kështu ka deklaruar mbrëmë në emisionin debativ “Politika”, kryediplomati Bujar Osmani. Ai insiston se duhet të ruajmë qartësinë strategjike, duhet të ruajmë kursin politik, duhet shqiptarët të ruajnë këtë kurs politik.
“Prandaj është kandidatura ime, kandidatura ime është para së gjithash për të dhënë mesazh se vitet e ardhshme janë vite kur Maqedonia e Veriut duhet të bëhet me Bashkimin Evropian. Ne nuk bëjmë këtu lojë politike, eksperiment politik, japim mesazhin se njeriu i cili i fillojë bisedimet me BE-në tani duhet ta rrumbullakon këtë proces nga pozita e Presidentit”, tha ministri Osmani.
