Bujar Osmani: 28 janari është një 28 nëntor tjetër
“Në tani jemi të fokusuar gjithë në 28 janarin. 28 janari është edhe një festë e cila pas 100 viteve do shënohet si festë kombëtare- Kryeministri i parë shqiptarë. Dhe mendoj që aty duhet të fokusohemi. Thyerja e monopolist të fundit të barazisë në shtet. … Kjo histeri antishqiptare që e shihni tash është si rezultat i 28 janarit. Është vrulli i fundit për të penguar 28 janarin. 28 janari është një 28 nëntor tjetër. 28 janari nuk ndalet. Barazia ose thyerja e monopolit te fundit, i cili do jep mesazhin se ky shtet tanimë vendimet i merr në Shkup”.
Kështu është përgjigjur Ministri i Punëve të Jashtme Bujar Osmani në emisionin “Klan Debat”, i pyetur për koalicionet e mundshme, listat e deputetëve nga ana e BDI-së dhe rreth asaj se çka do jetë ndryshe pas 28 janarit.
“28 janari do të jetë i jashtëzakonshëm për shqiptarët e Maqedonisë së Veriut. Nuk është me rëndësi emri i KM. Është me rëndësi thyerja e monopolit”, ka thënë më tutje kryediplomati Osmani.
Ministri Osmani ka porositur se të gjithë duhet të përgatitemi për 28 janarin si një ndër ditët më të rëndësishëm që i ka ky popull.
