Petar Bogojevski nga Koncepti maqedonas sonte në “Click Plus” në TV21 tha se ish-kryeministri Nikolla Gruevski duhet të kthehet në Maqedoninë e Veriut për “të dëshmuar pafajësinë e tij, ose nëse është fajtor për të vuajtur dënimin”.
Bogojeski tha se dëshiron që si çdo qytetar, edhe Gruevski të ketë trajtim të barabartë para drejtësisë.
“Të kthehet në Maqedoni dhe të përgjigjet para drejtësisë, të dëshmojë fajësinë apo pafajësinë dhe t’i vuaj nëse vërtetohet se ka faj, e që tashmë është konstatuar nga gjykatat”, tha Bogojevski.
Sipas tij, është e pakëndshme për Maqedoninë, e cila aspiron anëtarësimin në BE, të ketë së paku një qytetar që paraqitet si i përndjekur politik.
“Nuk duhet ta kemi këtë. Apeloj që Gruevski të kthehet në Maqedoni”, tha Bogojeski.
