Bilall Kasami: Transparenca dhe bashkëpunimi, çelësi për një Tetovë më moderne dhe më të zhvilluar!
Sot në komunën e Tetovës është mbajt debat publik me temë “Hartimi i planit të mobilitetit urban dhe përdorimi i aplikacionit për transparencë të Planit gjeneral urbanistik në komunën e Tetovës”!
Në këtë ngjarje ka marrë pjesë edhe kryetari i komunës së Tetovës, Bilall Kasami dhe bartësi i listës nga VLEN për këshilltar komunal, Albi Qamili.
Kasami me këtë rast ka falënderuar qytetarët, shoqatat si dhe ekspertët për pjesëmarrjen dhe kontributin e tyre në këtë debat.
“Transparenca dhe bashkëpunimi janë çelësi për një Tetovë më moderne dhe më të zhvilluar!”, ka shkruar Bilall Kasami në një postim në Fejsbuk, njëherësh kandidat për mandat të dytë në krye të Tetovës.
