Kryetari i Lëvizjes BESA, Bilall Kasami së bashku me dy nënkryetarët e partisë, Kastriot Rexhepi dhe Abdush Demiri, si dhe deputetja Teuta Bilalli, realizuan takim me banorët e Komunës së Tearcës dhe shpalosën platformën politike ‘BESA’, e cila përbehet nga katër shtyllat e fuqishme #Barazi, #Ekonomi, #Stabilitet dhe #Ardhmëri.
Kryetari Kasami para banorëve të Tearcës tha se kjo platformë është hartuar nga ekspertët më të mirë, përfshirë edhe eskpert Amerikan. Gjithashtu, lideri Kasami ka folur edhe për konzistencën politike të Lëvizjes BESA, duke precizuar kohën gjatë ndryshimeve kushtetuese, ku deputetët e BESËS bën ndryshime të mëdha që detyruan Qeverinë, që grafa etnike të vendoset në dokumentat e identifikimit.
Në fund, Bilall Kasami deklaroi se Lëvizja BESA do të jetë pjesë e qeverisjes së ardhshme dhe do të udhëheq me pikat e kësaj platforme, e cila është më e mira nga të tjerët që i zgjidh problemet e qytetarëve.
