NJOFTIM I RËNDËSISHËM PËR HAXHIN 2025
Ministria e Haxhit dhe Umres e Arabisë Saudite njofton se organizimi dhe udhëtimi për në Haxh mund të bëhet vetëm përmes institucioneve të autorizuara.
Kushdo që përpiqet të shkojë në Haxh jashtë këtyre procedurave të caktuara, nuk do të lejohet të kryejë Haxhin dhe do të përballet me masa ndëshkuese (dënime, gjoba, ndalim hyrjeje në Arabinë Saudite).
Bashkësia Fetare Islame në RMV, gjegjësisht Komisioni qendror i Haxhit 2025 është autoriteti i vetëm në Republikën e Maqedonisë së Veriut për organizimin e udhëtimeve për Haxh.
Të gjithë besimtarët këshillohen të mos bien pre e reklamave të rreme apo ofertave jozyrtare për shkuarje në Haxh.
Udhëtimi në Mekë për të kryer Haxh kërkon vizë Haxhi dhe mund të realizohet vetëm përmes institucioneve të autorizuara.
