Bartësi i listës së Aleancës për Shqiptarët për këshillin e Tetovës, Abdulla Osmani në konferencën e sotme për shtyp tha se nuk janë të kënaqur nga rezultati i zgjedhjeve. Ai tha se për humbjen në Tetovë do të ulen dhe të reflektojnë si parti për të parë se ku kanë gabuar.
“Rezultati nuk është i kënaqshëm për ne. Kemi një rezultat që nuk ishte në pritshmërit tona. Ne këto zgjedhje u ballafaquam me pushtet absolut nga të gjitha partitë, ishim e vetmja parti opozitare, kishim përballë luftën me kontratat, me punësimet. Ne si Aleancë për Shqiptarët, me humbjen në këtë zgjedhje do të ulemi dhe do të reflektojmë për këtë rezultat”, tha mes tjerash Abdulla Osmani.
