Policia ka ndaluar 63 vjeçarin me inicialet Ç.T. nga Shkupi i cili me motoçikletë përplasi një fëmijë 8 vjeçar dhe më pas u largua nga vendi i ngjarjes në lagjen Butel të Shkupit. Ministria e Brendshme njoftoi se është kapur autori i aksidentit, i cili u identifikua pas një videoje që qarkulloi në rrjetet sociale, përcjell INA.
Policia theksoi se do të ngritet kallëzim penal kundër tij për veprat e rrezikimit të sigurisë në trafiku dhe mosdhënies së ndihmës. 8 vjeçari pas aksidentit është dërguar në spital nga kalimtar të rastit dhe se ai është jashtë rrezikut të jetës.
Ngjarja ka ndodhur më 2 prill 2025, në orën 14:05, në kryqëzimin e rrugëve “Ferid Bajram” dhe “Alpi” në Butel të Shkupit. (INA)
