Në emisionin debativ në TV Shenja, kryetari i komunës së Gostivarit, Arben Taravari, duke folur për valën e shpërnguljeve të shqiptarëve nga vendi tha se atë që Rankoviqi e arriti në Jugosllavi duke shpërngulur 200 deri në 300 mijë shqiptarë, të njejtën e bëri kreu i BDI-së Ali Ahmeti, pasi sërish 200 deri në 300 mijë shqiptarë u larguan nga vendi.
“Në kohën e Rankoviq janë shpërngulur 200 deri në 300 mijë shqiptarë dhe në kohën e Ali Ahmetit janë shpërngulur gjithashtu kanë ikur 200 deri në 300 mijë shqiptarë. Rezultati është i njejtë. Rankoviqi që ka arritur në kohë të Jugosllavisë të shpërngulen shqiptarë prej Maqedonie është 200 deri në 300 mijë. Periudha e Ali Ahmetit është e njejtë si e Rankoviqit. Pësëri 200 deri në 300 mijë shqiptarë janë shpërngulur prej Maqedonie. Këto janë fakte të pamohueshme”, u shpreh Taravari. /SHENJA/
