Lideri i Aleancës për Shqiptarët Ziadin Sela, sot nga foltorja e Kuvendit ka njoftuar se deputetët e partis së tij do të jenë të përmbajtur gjatë votimit të referendumit.
“Sot është një moment i rëndësishëm, deputetët janë para një vendimi të madh. I dëgjova më herët fjalimet e kolegëve të mi. Kemi kundërshtuar këtë proces, pasi opozita u përjashtua nga takimi i liderëve dhe informacionet i kemi marrë nga mediat. Jam një nga deputetët që rrëzimin e një regjimi dhe përmirësimin e gjendjes e kam paguar me gjak. Pyetja e referendumit nuk duhet ta përmbajë marrëveshjen me Greqinë, por ndryshimin e shtetit. Gjithsesi, Aleanca mendon se nuk duhet të ketë referendum, por kjo duhet të ndodh pasi kështu është në marrëveshjen me Greqinë”, tha mes tjerash Sela.
Sipas Selës opozita shqiptare është përjashtuar nga diskutimet e liderëve kurse kjo sipas tij nuk është korrekte./Almakos
