Më 12.02.2022, në ora 10:10, në magjistralen Ohër-Kërçovë, afër fshatit Podmoll, ka ndodhur një aksident trafiku në të cilin kanë mbetur të lënduar dy persona.
Aksidenti ka ndodhur mes veturës së pasagjerëve “Opel”, me drejtues 66-vjeçarin R.D. nga fshati Trebenishtë, komuna e Debërcës dhe automjeti “Mercedes”, i drejtuar nga 32-vjeçari M.N. nga Ohri, të dyja me targa të Ohrit. Nga aksidenti kanë mbetur të lënduar rëndë drejtuesi i mjetit “Mercedes” dhe 61-vjeçari B.J. nga fshati Trebenishtë, pasagjer në mjetin “Opel”, të konstatuara në spitalin e Traumës në Ohër. Kontrolli është kryer nga ekipe policore, njofton MPB.
